شد حيلك
هموت بفضل اسرح واحس اني ففيلم دراما. الأشياء ليها معنى لذلك بكون بطئ عشان احس وافهم أقل التفاصيل. ياترى هموت امتا؟ الحقيقة الوحيدة اللي مش ممكن نختلف عليها هي أننا هنموت. وهنسيب كل شئ زي ماهو وهيحصلنا باقي الناس. كلها مسألة وقت، الوقت فتاك، كفيل بأنه ينهى اي شيء ويمحيه من على وجه الأرض بكل هدوء وسلاسه الليل جميل وهادى، من ورا ازاز الشباك تشوف البيوت ساكته، كل فين وفين واحد يعدي تحت في الشارع، وفي الوقت دا تقدر تكتب حكاية، يمكن!! ااه يمكن حد يقراها ليه لا نصيحه سريعه: التفكير الكتير اوووي هيخليك مش قادر تفكر في اي حاجه، مخك هيفوت، فماتفكرش زياده عن اللزوم المهم مش قضيتنا، اللي كنت حابب اكتبه انهارده هو أن الروتين مهم لو حياتك مش محكومه بمواعيد وجداول واضحه قدامك هيجيلك اكتئاب وهتروح فستين داهيه لأن مخنا مجبول ومخلوق ومتبرمج أنه يشتغل بشكل منظم ويحس أنه ليه وظيفه ساميه وعظمى، لو انت عيشت نفسك عيشه تافهه ومش ماشي وفقا لجدول ونظام فاعرف أنك مش هتقدر تفرح ولا تحس بقيمه لنفسك فأظبط كدا بدل مالأكتئاب يظبطك زي ماظبط عبدالصمد صحبي اللي متعرفوش سل...