زيف
انا بكتب بس لما احس ان حالتي مزريه
في الوقت دا بتبلع ريقك بالعافيه وريقك بينشف اصلا. الوقت دا بتموت كل معاني الحياة وبتشوف قدامك سواد بس. اياً كان اللي بتعيشه فأنت متفرقش عن باقي الناس في الحاجه. هنفضل عايشين الحياة دي مش عارفين هي فيها سعاده ولا لا؟ فيها نجاح طيب؟ طب ممكن فيها حزن بس؟ خيانه ووساخه بس!!! هنفضل كلنا غلابه مش عارفين الحقيقه. واحد مرح هييجي يقولك ويغنيلك (الحياة حلوه) واحد تاني هيقولك الحياة بنت وسخه
الحقيقه هي ان محدش هيعرف حاجه - محدش هيفهم حاجه وهنفضل كدا للابد ليوم القيامة
لو انت مبسوط دلوقتي فدي حاجه حلوه
لو انت مش مبسوط دلوقتي فدي حاجه حلوه برضه
كلنا مساكين وغلابه وبنحس اننا ملوك الكون احياناً لان بعض كيمياء الجسم بتكون مظبوطه وبتعيش عيشه فل لبعض الوقت ولكن واحد زيي محابس الكيمياء فجسمي تقريبا بتسرب فالحزاين عندي مستواها اعلي من الناس المظأططه
لو انت صحبي او قريبي او تعرفني فأنت اما محظوظ لو بتقدر الأختلاف او مش محظوظ لو انت دماغك مبتجيبش لأخر الشارع
احسن درس اتعلمته في حياتي هو انك تعرف تتكلم كويس
تتكلم يدخل معاها الكلام الجسدي مش بس الصوت
لما تعرف تتكلم كويس لازم تتعلم الاتنين - لغة الجسد ولغة اللسان
وممكن الاهم من دا كله هو تجهيز دماغك علي الأنتاج الكلامي السليم - فهمك للحياة ميخلكش مميز فحاجه
كلنا ملناش لزمه علفكره - احنا بس مفيدين لبعض لمده معينه وكلها يومين تلاته. المهم فعلا لكل واحد فينا يتجهز لحياته الحقيقيه في الأخرة
لو بجد العالم دا عبث ومفيش اله ولا حساب وجنه ونار
ياتري مين موجد العالم دا من الاول؟ احنا مخلوقين ومتسستمين علي رفض كل شئ ملوش سبب
مفيش حاجه بتحصل من غير سبب
لو قلنا اننا البشر اتوجدنا من نفسنا كدا طب مين اوجد كوكب الارض وباقي الكواكب. هناك دائما موجد
ربنا قال في القرآن الكريم (ان السماوات والارض كانتا رتقا ففتقناهما) التاريخ مستحيييل يكدب
والتاريخ والوقت بيثبت قانون السببيه كويس جدا
اكتشفوها ازاي؟ اكتشفوا ان الكواكب مع الوقت بتبعد عن بعض ودا بيثبت كلام الله في قوله (والسماء بنيناها بأيد وإنا لموسعون) فكل ماترجع بالزمن الكواكب كانت بتقرب لبعض اثباتا لقانون اتساع الكون
التاريخ اثبت ان مع الرجوع بالزمن لفترات بعيده جدا الكون فعلا كان قريب جدا لدرجه انه كان صغير وكله قطعه واحده فحجم ذره مثلا وانفجر واتفرقت الاجزاء عن بعض وتضخمت الكواكب ودا اللي بيفسره نظريه البيج بانج اللي ذكرت في القرآن علي شكل الأيه دي (ان السماوات والارض كانتا رتقا ففتقناهما) المثير في الامر انه العلماء انكروا ان نظريه السببيه يتم تواجدها في كتب والمقالات العلميه لانها بتجبرك انك تذكر الله انه السبب والموجد للكون في الاساس
لان مستحيل اننا نقبل ان شئ بيحصل من نفسه ابدا
المهم لو عجبك الكلام تابعني للمزيد
Comments
Post a Comment